廖碧兒（Bernice）家中有七隻愛犬，前後出了兩本有關狗仔的書籍，她表示今年書展推出第三本書《Benji's Centre》，教大家怎樣為愛犬縫製衣服，更找來縫紉了得的廖媽媽替她親手做狗仔靚衫：「媽咪車嘢好叻，平時我哋着嘅襪都係媽咪車畀我哋，我喺佢身上學到唔少，但以前喺加拿大讀書時都學過縫紉。（可以開舖頭？）又唔得，媽咪要照顧家姐嘅小朋友。」
此外，Bernice推出的第二本書《Bailey's kitchen N'Things》，將收益全數捐給一間Toy Library，給小朋友一個學習的好地方，她說：「好多生活喺有問題家庭嘅小朋友都冇錢買嘢，依家啲玩具、電腦及圖書都好貴，所以好想幫到佢哋。」