羅苡之（Tisha）自小穿梭片場，父母羅樂林和陳寶儀都是好戲之人，但她暫時未打算拍劇或拍電影，但已參演不少舞台劇過戲癮，首次演戲便參演舞台劇，在劇中更飾演姨媽陳寶珠的女兒。而現實生活中，Tisha有一份朝九晚五的穩定工作，暫未想完全踏入演藝圈：「我仲未想冒咁大風險，喺娛樂圈要成功有好多因素，天時地利人和好緊要。」

怕被問長問短

自從跟趙式浩甩拖後，Tisha再沒有公開自己的感情狀況，惟今次終在訪問中默認正蜜運中，但拒絕公開男方的身份，兩人已拍拖一年半：「大家都仲未有共識公唔公開，唔公開有好多原因，大家咁樣都幾開心！」她認為拍拖是兩人之間的事，絕不會被外界影響，但最怕公開戀情後被問長問短：「你一拍拖，啲人就問你幾時結婚，其實有男朋友好正常，我都唔想再講大話同人講我冇！」