日前才開始拍攝《完美童話》的江若琳（Elanne），苦笑表示想不到第一天開工即告受傷，更離奇的是她連如何受傷也不知道：「因為我一嚟已經要勁嗌同勁掙扎，結果刮損手都唔知，真係大懵！我呢套戲嘅角色好歇斯底里，試過拍完某場戲，我成個人好迷失，要導演彭發安慰先抽離到。」

譚詠麟大讚有進步

因Elanne在另一套劇集《洪武三十二》的角色與《完》片截然不同，問到同時拍攝兩片有否「精神分裂」？她說：「係呀！喺《洪》片我開心到痹，但拍《完》片嗰陣我就變咗獨孤精，成日都要自己一個人投入自閉嘅狀態，搞到除咗唔敢同人傾偈外，連食飯都唔敢同其他人食！因為兩部戲都要趕進度，所以變成我一時勁開心、一時就勁憂鬱，好慘！」

為投入角色，江若琳經常獨自食飯，慘變獨孤精！

江若琳在新片中飾演自閉少女，令她經常情緒低落。

雖然工作辛苦，但Elanne笑言十分值得，因早前透過微博得知譚詠麟力讚她有進步，令她大為感動：「校長係我最尊敬嘅人，佢話我有進步，真係好開心，亦都證明自己付出咗嘅嘢真係有人睇到！」