昨日陳慧琳（Kelly）穿上跌膊Nation LTD白色上衣及of two minds超短花裙，偕MC Jin（歐陽靖）出席美心冰皮新廣告首播活動，第四年擔任代言人的Kelly，獲廣告商送上特製的「蝦餃仔冰皮月餅」，而廣告中Kelly只有一個食月餅鏡頭，酬勞賺得輕鬆。
今年中秋，Kelly會放假陪家人，因老公Alex放公眾假期，現時她大部分時間都留在家中湊仔：「依家可以反投訴老公少時間陪我，佢夜晚出去飲嘢，我會『哦』佢返嚟！（變『嫦娥』？）如果配合月餅，唔介意你哋咁寫！」由於「蝦餃仔」已一歲，Kelly坦言想追多個，若成功造人，希望明年生個「兔女郎」。
