為谷寫真集銷量，o靚模各出奇招，前日以Sales身份踩入書展的「浸大E神」Carol，原定昨午再度踩場，最終臨時甩底，她說：「我夜晚有個婚紗騷，中午綵排遲咗，就唔到時間去。」不過傍晚時分，書商要求她簽書補貨，她即乘七人車在書展附近徘徊，結果被記者發現！只見她在車上不停簽書，更在寫真集印上唇印，她說：「本書反應好好，兩日賣咗8千5百本，書商話好多Fans問點解冇簽名，所以專登抽時間過嚟簽名。（出招加唇印？）係呀！其中10本有我嘅唇印，今日送畀10個幸運兒。」

在停車場暈倒的DaDa（右），甦醒後在經理人施念慈攙扶下出席簽名會。

到醫院求診後，DaDa手持藥物離開。

取消活動休養

至於病了數日的「百果園咪神」DaDa，昨晚偕李莉琳及王梓如舉行簽名會，簽名會開始前，經理人施念慈指她曾在停車場暈倒5分鐘，其後DaDa在助手攙扶下現身，並說：「好唔舒服，睇咗2次醫生，依家發緊燒。」為免她再次暈倒，施念慈派人將她送往九龍城法國醫院求診，師姐李莉琳擔心到喊：「佢頭先喺停車場暈咗，冇晒知覺。（唔入院？）因為Fans等緊佢，所以佢想撐到最後。」DaDa抵達醫院時，全身乏力地靠着男助手，約一小時後，她戴上口罩離開：「醫生話我耳水不平衡，依家返屋企休息，今日活動要取消。」

DaDa離開後，李莉琳（左）與王梓如繼續為Fans簽名。	Carol昨晚行婚紗騷，勁晒「事業線」。	放大圖片