已脫離o靚模行列的Janice Man，昨日出席品牌Thomas Sabo活動，談及昔日好姊妹Angelababy的寫真集，她說：「未買呀！但會支持佢，佢送本畀我最好！」對於o靚模被禁在書展舉行簽名會，她說：「我冇參與書展活動，第三者身份唔方便評論，如果真係騷擾到人就唔好。（慶幸唔使爭？）我冇出過寫真，冇話爭，亦冇諗過爭！」她表示現階段不打算出寫真，笑言平日工作已拍下不少靚相，毋須藉寫真集留住青春回憶。
另外，她表示會偕樂基兒欣賞師妹JW的第一場騷，問到會否上台表演，她說：「如果係，我諗我仲驚過佢，又唔係我嘅範疇，但如果公司覺得OK，我都一定會嘅。」
