林建明（沙姐）昨日出席活動，公開為o靚模抱不平，矛頭直指貿發局及黃秋生！她表示o靚模搞簽名會，不應該受到歧視：「大家畀條生路啲後生女，唔應該自己人打自己人。」沙姐揚言明日入書展買寫真撐o靚模！
不過，秋生接受電話訪問時即反擊：「一來未必講我，二來我唔係佢哋同行而係藝人！出席書展唔係問題，佢哋去睇書定博宣傳，大家心照！新聞都話有巿民投訴佢哋阻住晒！（寫真集被指有性騷擾之嫌？）絕對係！又立體洞房又有不明液體喺大髀，你可以話睇者心邪，但用意大家心照。書展因為宣傳造成混亂，等於去齋舖食肉！再咁落去唔止o靚模賴（無賴），仲可以話佢o靚模聊（無聊）。」
對於黃秋生以「蜘蛛匿枱底，風雨一齊嚟」寸o靚模，「浸大E神」楊梓瑤拒對號入座：「佢係前輩，講嘢都可以大聲啲！書展應該唔會有蜘蛛，可能書蟲就有好多！」