書展寫真戰進入第二日，Yumi與Jessica C.（JC）昨日入書展宣傳，大戰三個回合！首回合論性感度，Yumi明顯跑贏JC成條街，因擁有無敵警鐘胸的JC穿得頗為密實，相反Yumi穿上貼身Cosplay服之餘，同場更加映三吋「事業線」，高下立見。次回合鬥排場，JC有兩名外籍保鏢護駕顯身價，但相比Yumi豪花五位數請來六名「幪面超人」護駕，可謂小巫見大巫！最後一回論粉絲數目，雖然兩人同樣吸引數十名人士圍觀，但JC的圍觀者以傳媒及龍友居多，反而Yumi則有數名粉絲拿着寫真兼要求簽名，點數險勝！

Jessica C.現身新書攤位谷銷量場面墟冚，但大部分屬傳媒。

放大圖片

阻街惹師奶不滿

雖然撼贏JC，但Yumi卻不小心觸怒書迷！事緣她無論在場外場內造勢時，均惹起一定程度的混亂，故有大會保安要求她不要阻塞通道，場內更有路過師奶不滿大叫：「又唔知邊個死人頭嚟咗呢度！」不過，Yumi未有理會，更「犯禁」為Fans簽名，問到是否有心挑戰貿發局？她笑說：「唔係挑戰！（驚下年封殺你？）我諗唔會啩！（怕畀人博懵？）唔驚！有六個幪面超人保護我。（擔心被轟擾民？）唔擔心，我都唔想阻大家。」

Jessica有兩位老外保鏢護駕，但相比Yumi的幪面六壯士，相形見絀。	放大圖片	Yumi到書展宣傳新書，吸引大批書迷圍觀。

鍾蕙芝派吻突擊

至於戰敗的JC出動「警鐘波板糖」奇招，成功挽回不少分數：「係一個Funny Idea！因為知道簽唔到名，所以特登派糖補數。（Fans數目唔多喎！）只要有一個都會好開心！」她自爆男友對其寫真讚不絕口：「佢好Proud of me，係我頭號Fans。」

鍾蕙芝預告再現身書展，派香吻谷慈善寫真。

放大圖片

同場還有被指因不聽話而未獲經理人安排拍寫真的鍾蕙芝（Lavina），昨日她現身書展為慈善寫真集宣傳，還自爆明天會再來派香吻當神秘禮物。談到經理人拒為她出寫真一事，Lavina澄清：「唔係！係我覺得公司未符合我要求啫！我要有好好理由先會影。」