前緋聞情侶陳偉霆（William）及鄧紫棋（G.E.M.）昨日孖住現身活動，在充滿香港風情的茶餐廳布景中接受訪問，問到有否帶「新歡」緋聞男友、台灣歌手林宥嘉到茶餐廳撐枱腳？G.E.M.說：「佢好少嚟香港。（之前有嚟過嘛！）下次介紹啦！」未知他們傳緋聞的William即追問：「真o架？你唔同我講嘅？」引得G.E.M.哈哈大笑，叫救命求饒。問到若林宥嘉再來港會帶對方到何處？G.E.M.說：「係秘密！」William見她對答如流即說：「冇見一排叻咗喎！」G.E.M.即「歸功」於他：「都係跟你學，成日帶人遊花園！」