容祖兒（Joey）昨日現身海港城擔任《警訊》主辦的設計比賽頒獎嘉賓，她自爆有正義感，曾經遇上媽咪被搶頸鏈，即猛追賊人：「當時好細個，但都搏命咁追，當然係追唔到啦！而且媽咪又擔心安全，叫我唔好再追。」提到日前好友鍾欣桐被歌迷惡搞，問到會否擔心？她笑說：「Fans唔怕死就做啦！我做封面隨時會搞到人心臟病發，我諗我唔係佢哋對象。（唔夠肉感？）好明顯啦！唔使下下講到人哋傷心處。（曾經畀人話你似一位AV女？）冇乜，只係間唔中有人話我似安祖蓮娜祖莉，我都唔好意思講出口，畀人咁講都好開心呀！」