林莉昨日出席其林莉慈善攝影集發布會時表示，在寫真中首次全裸演繹三個人體彩繪造型，拍攝時身上只有乳貼和T-back，在場雖有一半是男士，但沒有特別要求清場：「當時淨係覺得好自然，好投入同好享受，唔係太介意人哋嘅眼光。（底線？）底線係要嚟突破嘅，自己嘅原則係裸露得嚟要靚，喺呢個原則下我係冇底線。（怕將來男友或老公介意？）了解我嘅人知我好保守，好規矩同好怕醜，我想突破但都有自己原則，呢個係藝術工作，應該用藝術眼光去欣賞。希望大家唔好用色情嘅眼光去睇。」問到會否擔心被拿來跟o靚模比較，她表示大家風格和市場不同，更從沒有打算在今年的書展中舉行簽名會。

怕男友呷醋打人

至於Jessica C.（JC）昨日擔任VS sassoon模特兒，她透露今日不會到書展，至明日才踩場，問到會否怕被驅趕，她說：「我希望佢哋會尊重，我又冇搞簽名會，其實我唔係為咗睇自己本寫真，係想去睇吓其他書。（其他o靚模話着制服或打扮性感去書展，你呢？）我會隨意打扮，May be cute or sexy，仲未決定。」JC坦言屆時經理人會貼身保護，故沒有必要請保安人員護花，只希望大家自律。至於會否擔心有人手多多，她即以雙手護胸笑說：「我會用手擋住，多謝你哋提醒，我考慮叫公司請保安。（男友一齊去保護你？）我驚佢見到人摸我會妒忌打人。」

此外，在寫真中玩冰的楊梓瑤（Carol）接受電話訪問時，被問到全裸上陣時，她說：「其實唔係，係後期加工，畀人執走咗條褲同埋上身個細Size嘅Nude Bra。大家都好驚訝？原來執走之後係咁激嘅。（擔心被指意識不良？）我都係搽太陽油啫！搽太陽油梗係要搽晒全身o架啦！」她又透露前晚與經理人飲酒減壓。