兩大女神Baby及周秀娜（Chrissie）今年再次出戰激鬥，再次掀起全城焦點。雖然早前貿發局禁制o靚模於書展搞簽名會，令各o靚模紛紛諗計應對，昨日「寫真女王」周秀娜終於揭曉以流動貨櫃車搞小型書展造勢，攻陷港九新界屋邨商場所有宅男！今日Chrissie會聯同新八模、Monster Beez及Sugar Beez共十三人，一連幾日在貨櫃車《簽名會館》於銅鑼灣總統商場、尖沙咀海防道、金紫荊廣場，甚至新界區大搞簽名活動，每日發籌200個予Fans。

歐洲取景

據知Chrissie會在24日在尖沙咀海防道強勢宣傳，打擊相隔一條街於海港城搞簽名會的Baby，與她來個埋身戰！此外，今年Chrissie的寫真不論攝影師CK、取景地點同樣是歐洲，拍攝手法與Baby去年的寫真如出一轍，似乎有意硬搶首席女神之位。對此Chrissie說：「完全唔覺，歐洲大部分酒店都有露台景，而且法國嘅氣氛都係好浪漫同昏暗。」

着紅催旺

對於貿發局出招打擊o靚模於書展宣傳，Chrissie的言論似有弦外之音：「終於有屬於我哋嘅書展！（性感上陣？）會着『紅火戰衣』旺一旺佢。」她更笑言因早前曾揚言會穿紅底上陣，會襯番一套。

至於Baby寫真《Paradise》，雖然她聲稱只會在海港城搞一日簽名會，而且到昨日為止大部分相片依然非常保密，但原來她一早密謀添食多推一本「豪華版」寫真作後着。其經理人說：「Baby靚相出唔晒，所以先再推出第二版。（更性感？）大家要拭目以待。」另外，Baby昨晚在微博上載了一段寫真特輯短片，讓粉絲先睹為快。