林峯昨日在新碟簽唱會上勁歌熱舞，原本西裝骨骨的他，不惜解鈕益街坊，大騷內裏半透明的襯衫，汗流浹背加上大動作，令他胸前「兩點」若隱若現，令台下歌迷尖叫聲不斷。席上，林峯還跟老、中、青三代歌迷大玩遊戲，一時放電，一時餵飲湯，一時又送「愛的抱抱」，搞到女歌迷暈得一陣陣，更感動到標淚，林峯說：「真係對唔住，我都標晒汗！」

林峯放電送抱令女Fans當場落淚。

女Fans為林峯抹汗，關懷備至。

勤操Fit挑戰半裸

演唱會舉行在即，林峯坦言屆時會性感上陣，但因未滿意現時的身形，故只會穿若隱若現的舞衣跳舞，待操Fit後再挑戰半裸尺度。

提到無綫為捧他成為歌影視三棲紅人，特別為他度身訂造新劇集，他說：「其實每年平均都拍兩套劇，公司係畀多咗機會我喺音樂方面發展，仲有電影，但唔係刻意咁做，只係咁啱有呢個機會啫！」