吳雨霏（Kary）、森美和小儀昨日出席《森美小儀歌劇團拾年拾回相展》，曾經在劇團中兩度飾演森美妹妹的Kary，今次沒有演出，她說：「今年我冇玩，不過我一定會捧場。我唔知點解每次演出都係做一啲妹妹嘅角色，冇同森美合演情侶，同佢冇親熱戲份，因為森美淨係揀靚女做情侶，唔揀我。」另森美則踢爆小儀在海報勁騷三吋事業線的性感造型，真身其實是另有其人，只是將小儀的大頭Key上去而已，不過小儀堅稱若用隱形Bra也可營造如此效果。