緋聞情侶傅穎（Theresa）與羅仲謙昨日為《一田潮流Fashion Show》行騷，Theresa除穿露肩裝騷香肩外，示範低胸連身牛仔褲時，又不時抽着衣服以防下滑；而羅仲謙雖全程「封胸」，但仍引得不少女士尖叫，其後，Theresa更在他的胸肌蓋上心心紅印！

羅仲謙擺出大隻佬姿勢，氹到Theresa哈哈大笑！	Theresa在羅仲謙的胸口蓋印，認真Sweet！	Theresa行騷時晒香肩，十分養眼！

不覺被性騷擾

事後羅仲謙表示不尷尬，更被Theresa踢爆曾「露體」！Theresa說：「第一次見面，佢就拉高件衫畀我睇。（性騷擾？）咁又唔覺，但我好羨慕佢排胸肌，胸肌成為佢嘅標誌！」問到有否傳授健胸心得給對方，羅仲謙說：「我有幫佢，但主要係叫佢做Sit Up。」

另外，羅仲謙表示會第一時間購買Theresa的寫真集，記者問Theresa會否送一本給羅仲謙，她說：「叫佢自己買啦！好多人都叫我送，但我想佢哋自己買，如果係我，一定唔會屈人送！」羅仲謙即笑言不只買一本，認真識冧女！此外，Theresa表示除舉行簽名會外，還考慮到書展視察銷情：「其實我每年都想去，但太多人，今年都想竄入去睇吓銷量。」