有Fans惡搞鍾欣桐（阿嬌），將貼有其照片的色情光碟混入雜誌中，結果被警方拘捕，身在北京的阿嬌說：「聽到件事好震驚，但我對香港警隊好有信心，相信件事一定會水落石出。（如果警方要求你協助調查？）我會盡市民嘅義務同責任。」師妹鍾舒漫昨日出席《tvb兒童節天才大匯演》時，大鬧該Fans過分：「好侵犯個人私隱，好唔道德！」同場的泳兒亦說：「好傷風敗德，咁偏激，心理有問題！」
另外，將於書展期間出書教小朋友守規矩的薛家燕，談及o靚模被禁在書展舉行簽名會時說：「佢哋可以睇吓我本書，睇完行條正路，佢哋其實有好多健康、學術嘅嘢可以做，唔好只係表演啲淫慾嘢，可能佢哋年紀仲細，唔知咁係唔啱。」
