陳奕迅（Eason）昨日為演唱會DVD舉行簽名會，吸引逾千人圍觀，大會安排4位小朋友以其個唱造型現身，令他笑不攏嘴，唱片公司更送上蛋糕，為他預祝下周二36歲生日，由於本周六要往台灣出席庾澄慶的音樂會，他笑言給自己藉口吃個痛快。早前難得放假，他自爆在家做「維修工人」，包括修理水喉、鬆枱腳及Tune鋼琴等，更笑言世界盃期間長出豬腩肉：「好彩我不嬲唔係賣條腰啫！」
Eason開騷期間一度出現聲沙情況，問到有否為DVD補錄重唱，他說：「《一絲不掛》真係有補過，但唔係因為聲沙，而係甩咗少少嘴，影住我大頭唱緊嗰啲當然冇補過啦！見唔到我個樣先補囉！」
