胸降旺角冧仔Carol驚被抽水

昨日「浸大E神」楊梓瑤（Carol）踩入旺角街頭，為寫真集《Huge》派扇造勢，吸引近百名龍友狂影！露出事業線的她走近Fans堆，問到會否擔心混亂中被抽水？她說：「少少啦！不過我信啲Fans好乖好合作，公司女同事都會保護我。（擔唔擔心造成混亂？）都驚！冇預過有咁多人。」揚言書展首兩日以打工仔身份混入攤位打暑期工的她表示，屆時會穿上圍裙，問到會否很性感？她說：「唔敢啦！我係免費勞工。（Fans要簽名？）如果佢攞支筆埋嚟都會靜雞雞幫佢簽。」她表示如被趕走，會拉大隊另覓地方搞簽名會。