近年o靚模崛起，改變了模界生態，名模Lisa S.昨日與新人白梓軒到旺角出席活動，提到「妄攝o靚模」在附近搞活動時即笑說：「我同o靚模唔同！如果我着比堅尼仲多人圍，但係冇身材就冇人睇！（『裝假狗』扮大？）咁要塞好多嘢入去！」另外，早前激爆o靚模的黃秋生，昨日出席《電影專業培訓計劃》記者會時，被問會否到書展，他說：「冇晒啲古靈精怪嘢咪去囉！間屋冇鬼咪入伙！（o靚模話突擊喎？）巿民有資格去，但話畀人知條內褲係咩色嘅行為就奇怪少少！（你唔驚『撞鬼』？）唔會！我講性工作者同妓女都係打個比喻，唔鍾意咪用聖女貞德嚟比喻囉！」