面對一年一度的港姐，亞視原本打算在下月1日推出o靚模楊梓瑤（Carol）、冬甩、亞姐及亞視女藝人擔大旗的《青春無敵Free D水運會》硬撼，可惜一波三折，原本於明日錄影的節目，昨日先後傳出Carol、藝人筱靖及戚黛黛齊齊辭演消息。有指Carol是因無綫施壓才臨時辭演《青》，節目監製Albert雖然承認要臨陣請來另一o靚模「妄攝女」Debby取代Carol，但卻不願多談原因。Carol經理人則強調因檔期問題辭演，Carol更賣口乖說：「無綫好錫我，再搵我演出，我都一定全力玩盡。」

筱靖（右）辭演亞視騷，由林紫君頂上。資料圖片	姚佳雯（左起）、顏子菲與戚黛黛將不會演出《青春無敵Free D水運會》。資料圖片	「妄攝女」Debby（右）昨日與拍檔出席活動，宣傳寫真。

亞視：唔會逼着泳裝

至於原本有份演出的亞姐筱靖則被指不屑與o靚模並列而拒演，由於她反應頗為激烈，據知曾遭公司「照肺」及收警告信，她昨日更將警告信上載微博呼冤：「入行至今我未推過Job，但亞姐同o靚模真係兩個Level，所以我唔想做，但咁樣都收警告信好無奈。」而亞視藝人戚黛黛則承認推Job是因接受不了穿泳衣玩遊戲：「首先要着泳衣做節目我已經唔會接，仲要玩遊戲，我怕走光。」

亞視高層鄭偉強昨日承認曾向筱靖發警告信，理由是她未有請假就推Job。問到亞姐及藝人是否不屑與o靚模並列紛紛辭演？他說：「公司唔會逼佢哋着泳裝。（其他亞姐姚佳雯、顏子菲都唔出？）佢哋有另外節目做，由亞姐林紫君、張加慧頂上。」

另外，Debby昨日出席活動時，談到寫真的「妄攝」手法被指意識不良，她不以為然地說：「我哋又唔係特別少布，只係滿足讀者嘅幻想空間。（引人犯罪？）可能佢哋撕完我哋唔撕出面呢！」她又指寫真集冇SM及聲效，因此老少咸宜，問她是否影射其他o靚模，她否認：「只係想講我哋嘅（不良）程度冇咁高。」