被封為香港八、九十年代「樂壇教父」、現年69歲的戴思聰桃李滿門，曾任黎明、王菲、郭富城、鄺美雲、李嘉欣及金城武等天王天后的歌唱老師，最近一次露面是上月中出席好友、國寶級鋼琴大師劉詩昆的紅館騷。昨日凌晨2時20分，戴老師突然於家中洗手間心臟病發暈倒，細女戴辛尉（原名：戴辛蔚）即致電報警，將父親送往灣仔律敦治醫院搶救，期間戴老師兩度心臟停頓，情況危殆！太太及大女戴蘊慧等家人陸續抵醫院，而身在北京的黎明即派助手子泉到醫院了解情況，戴辛尉說：「子泉話黎明原本聽（今）日返港，不過為咗老師希望改機票返嚟，仲叫我哋唔好咁擔心！」

放大圖片	王菲在北京心急如焚，打聽最新消息。 資料圖片

阿菲誦經祈福

至於現時身在北京的王菲，從佛教教友口中得老師病倒入院，阿菲經理人陳家瑛說：「阿菲都有叫我問老師情況點，我即刻打畀師母、葳葳（戴辛尉），不過可能佢哋喺醫院接收唔到，我SMS佢哋又冇覆！阿菲都好急、好着緊，好想知老師點，始終係老師！（返嚟探老師？）最緊要係知佢依家點先！阿菲過兩日又要開演唱會記者會，都唔知點算好！」 阿菲會誦經祈福。

出事過程示意圖 昨日凌晨2時20分，戴思聰在家如廁時突然心臟病發暈倒昏迷，撞傷額頭。	細女戴辛尉發現父親暈倒廁所，立即致電999求救。	救護車將戴思聰送到灣仔律敦冶醫院，醫生將他送進深切治療部搶救，戴思聰太太及兩個女兒陪伴左右。

陪伴戴老師入院的戴辛尉，昨日在醫院接受記者訪問時，神色凝重地說：「醫護員送爹哋嚟到醫院途中，佢仲有啲知覺，沿途醒醒哋！初時以為佢食物中毒，入到醫院，醫生話佢每分鐘只得40幾下心跳，要即刻急救！爹哋心臟曾停頓過兩次，最後醫生用電壓救番醒佢！醫生話佢急性心臟病，要入心臟ICU接受治療！」

戴辛尉喊到眼腫，精神委靡。

戴蘊慧探完父親後不發一言，急步避開人群。

暈倒曾撞傷額頭

戴辛尉表示父親因為心臟曾停頓，腦部曾缺氧，醫生檢查後發現其心臟血管有血塊，要打針溶解：「爹哋暈倒時，曾撞親額頭有瘀傷，醫生擔心打針影響頭部瘀傷，之後搞清楚唔會引致內部出血，所以照打針！爹哋心跳最差曾經得番每分鐘20、30下。醫生爭取呢廿四小時搶救，因為腦部出現過缺氧，如果唔醒就會長期昏迷！」她又表示父親平時身體健康，只有輕微胃病，亦沒有家族遺傳心臟病。問她戴老師有否定期檢查？她即眼泛淚光地說：「原本計劃星期三去做身體檢查，不過依家搞成咁，希望佢冇事！」