17/07/2010

播放本新聞相關短片

Ana R.遇變質騷隨時劈炮

日前一個活動聲稱韓國天王Rain會出席,令Ana R.答允做模特兒,但最後未見Rain蹤影,Ana直指溝通有問題,更表示若遇到的工作與洽談時有出入,決不會做!

名模Ana R.日前答應出席一個聲稱邀得韓國天王Rain出席的深圳活動,並擔任模特兒,雖然清晨五時便要起床準備,她亦在所不計,惟至活動完結Rain仍沒有出現,令她大感失望,昨日她與內地模特兒顧婭棋在港出席活動時,更直指當日情況混亂!Ana說:「大會通知我哋話Rain會嚟,等咗一日都見唔到佢,最後Rain都係冇嚟到。(好失望?)我等咗成日,又熱又漫長!我諗大會方面係溝通上嘅問題,我哋個個模特兒都唔開心。」

莊思敏直指有人講大話

當日同場的莊思敏於微博寫道:「嗚嗚嗚……被騙了,話說今天的工作是時裝表演,結果變成Hair Show!為何這麼小時都要說謊,當然Rain會出現都是假的!」直指有人講大話!Ana亦覺得「貨不對辦」:「大會係同我哋講話去做時裝騷,去到變咗髮型騷,大會要對Model誠實,講好咗係咩工作就咩工作,唔通本來話係時裝騷,去到變內衣騷咩?咁樣我一定唔會做。」雖然恨見Rain,但Ana表示不會視對方為夢中情人,笑言自己喜歡穿高跟鞋,故揀男友最少要身高六呎二吋。

Click選心水港姐,請瀏覽on.cc《香港小姐2010》專輯

名人組