17/07/2010

播放本新聞相關短片

(4)葉建希高攀(10)馬鈞怡當面示愛

候選港姐、港男昨日北上拍特輯,首日見面即擦出愛火!身高5呎6吋的港男(4)葉建希對身高5呎9吋的港姐(10)馬鈞怡嗒晒糖,揚言鍾意高妹!

應屆十五位候選港姐及十位候選港男昨日到韶關,進行為期四日的拍攝之旅,想不到見面首日已爆出緋聞!昨晚港男與港姐出席歡迎晚宴,曾被指吟詩冧女的大熱港男葉建希(Angus)「重施故技」,自爆對高妹港姐馬鈞怡大為欣賞!提到對港姐的印象時,Angus說:「個個都靚,但我同(6)至(10)港姐同組,所以對馬鈞怡印象最深。(鍾意高妹?)係呀!鍾意高。(問佢攞電話?)冇呀!都係傾工作咋!」他又突然自爆現時沒有拍拖,似乎不排除與對方發展!另外,有讀者爆料指,他與女友人於沙灘戲水!

彭慧中自稱已戒煙

提到(8)彭慧中再有吸煙相流出,Angus尷尬地表示不知道:「佢冇叫我食。(扣分?)唔會,但都唔係咁好。」當事人彭慧中則表示不記得何時拍下吸煙相,解釋當年在英國讀書期間一時貪玩,現已戒煙:「睇到呢啲相當然唔開心,但惟有接受,唔會叫朋友剷走啲相。」問到有否其他不良嗜好?她承認還會飲酒但不會賭波,至於有否被拍下醉酒照?她猶豫一會未有回答。

此外,剛從南非返港的高海寧亦有隨行,她大讚(11)李文煊最有氣質。對於彭慧中被封為新一屆咪神,高海寧說:「我未留意到佢嘅身材,但覺得佢對眼識講嘢。(佢用眼神撩你吸煙?)我唔知佢有呢啲新聞喎!」

Click選心水港姐,請瀏覽on.cc《香港小姐2010》專輯

影視組