入行十年的何韻詩，近日赴台展開為期兩個月的國語專輯宣傳。對於那麼遲才首次推出國語碟，阿詩以「遲來先上岸」及「慢工出細貨」來形容：「呢啲嘢要雕琢吓先成大器。（唔能夠喺師傅梅艷芳生前推出會覺得可惜？）喺佢生前我都有好多嘢未做到，依家都OK。」

阿詩透露去年舉行演唱會後，突然萌生放棄歌唱事業念頭，嚇得身邊好友及心理醫生朋友要日夜安慰，她說：「嗰時覺得好沉重同氣餒，自己講咩啲人都好似接收唔到。」阿詩還表示曾為此嚎哭：「有一、兩晚去咗圈中朋友屋企，傾傾吓喊咗出嚟！（嚇死朋友？）係！好多朋友好擔心，好似黃偉文咁。（好友容祖兒知唔知？）知！好多朋友都知，佢哋用好多方法令我開心。」

冇後悔行冤枉路

問到何時打消此念頭？阿詩說：「好彩之後去咗旅行，接觸唔同嘅嘢，成個人調整番。」她強調人生不只追求名利：「可以去做好多嘢，我對自己要求好高，從來冇後悔之前行咗咁多年冤枉路，從中吸收到好多經驗。」