妄攝女Debby遊日狂食魚生

因拍妄攝短片被轟的o靚模曾麗儀（Debby），早前公開認衰後繼續為寫真集宣傳，她表示經一事長一智，不會再重複犯錯，亦感激好友支持：「我有好好反省今次事件，前輩意見我絕對會接受，佢哋有好多值得我學習嘅地方。」未拍攝話題寫真前，Debby專程與友人飛到日本減壓，然後叉足電拍寫真，愛吃甜品的她透露，在日本狂吃甜品和魚生壽司：「因為去完旅行後，就要埋位影寫真，所以梗係食得豐富啲，返到嚟要Keep Fit，以最佳狀態上鏡。」除喪食外，她亦四處Shopping，買到滿載而歸。