身為容祖兒及謝霆鋒等經理人的霍汶希（Mani），掌管天王天后星途，放工後變身「伙頭大將軍」，為媽媽及家人下廚。最近更將入廚多年的經驗撰成秘笈，公諸同好：「我11歲跟媽媽學廚，第一道菜就係蒸肉餅，點知呢舊豬肉一剁就十幾年，從此媽媽『收爐』，我就肩負起一家八口晚飯嘅重任！我真係幾有天分，咁多年嚟亂闖亂撞、無師自通創出好多新菜式同獨門絕技！」
工作雖忙，但Mani堅持為家人下廚：「依家兄弟姊妹都結晒婚有仔女，不過每逢周日同節日都會返嚟食飯，閒閒哋二十人都難唔倒我！」為應付多人分量，她鑽研簡單食譜，方便煮大鑊飯，她笑言祖兒及Twins是其「白老鼠」：「佢哋好有冒險精神！每次聽到佢哋讚好味，我就會好有成功感！」