頻頻扮演「公主」角色的江若琳（Elanne），想不到「公主命」伸延到大銀幕，為小時候最愛的動畫配音：「喺《大雄的人魚大海戰》入面我聲演人魚公主，朋友笑我有『公主命』，因為最近開拍嘅古裝劇又係做公主，特別容易入戲！」除了愛看多啦A夢，她亦是《人魚傳說》的粉絲，每次都被感動到喊：「我同好多小朋友一樣，病咗唔肯食藥，媽咪就會錄低動畫氹我食藥！」

江若琳喜與配音員林保全見面，獲益良多。

Elanne自小喜歡多啦A夢，能參與配音自然開心。

獲讚有天分

自細已是多啦A夢粉絲的Elanne，初出道時曾為該系列的動畫唱片尾曲，想不到事隔幾年再結緣，今次更能與聲演主角多啦A夢的林保全見面，自然格外雀躍：「因為最近趕劇，只可以抽兩日配音，好彩過程順利，全哥教咗我好多嘢！」全哥亦大讚她有天分：「佢一聽就明白，而且好乖，我冇乜特別絕招教佢，有70分！」

不過，Elanne卻自爆配音時呼吸困難：「原來最難係配笑聲，透過咪高峰錄到我嘅笑聲好怪，又要用好多幻想，唔可以太生活化，過程好特別！」錄音工作結束後，她更邀請全哥為自己錄打氣說話：「最近我要為新歌《BaBaYa》宣傳，好忙好辛苦，所以請全哥為我講打氣說話，佢真係好好人！」