基仔的新專輯《時代》推出一周即報捷，火速衝破白金銷量，為隆重其事，唱片公司昨日替他筵開五席舉行慶功宴，英皇行政總裁吳雨送上一隻紅炸子雞。基仔對銷量大感滿意，坦言想放大假休息作獎勵：「最好就放三個月啦！」在旁的經理人霍汶希聞言不禁大叫：「嘩！嚇到我眼都凸埋！祖兒開演唱會學舞都係放得兩個星期。」

吳雨（左）即席頒發白金銷量證書給基仔。

林峯早前與徐子珊跳辣舞，為個唱綵排。資料圖片

結婚要部署

基仔即乘機搞爛Gag：「我要學化妝美容。（放三月假結婚？）唔係，（結婚生仔就得！）唔會為咗假期結婚生仔，咁即係本末倒置，我要好有計劃o架，暫時未有！」他解釋想放緩步伐，輕鬆一下，年底也要為國語碟準備：「十年放三個月就得！」

早前有指與同一唱片公司的林峯獲無綫力捧造勢，會跟基仔爭奪「最受歡迎男歌星」，但傳不和的兩人全無芥蒂，問到會否到林峯演唱會踩場？基仔說：「到時睇吓咪知囉！」但吳雨口快快踢爆：「係呀！佢去做嘉賓嘛！」霍汶希即尷尬笑說：「其實係秘密嚟。」基仔今年繼續推出《古Sir IQ王3》，但因不在港而未能到書展踩場。