張文慈（Pinky）、徐自賢及鄧特希昨日為本月底在亞視播出的新劇《法網群英》宣傳，Pinky指新劇可助她洗底：「今次演高級督察，會愛上呂頌賢，有少少咀戲，好開心今次做督察，感覺好似改邪歸正，成功洗底。」徐自賢則說：「我飾演一個內地來港嘅按摩女郎，同蘇永康有感情線，蘇永康好貪靚，佢話自己係Fashion人，平時唔多食嘢，搞到我都唔好意思食。」
至於鄧特希提到被追薪官司，他說：「八月會再上庭，單案審完，我就會告有人偷錢！」另外，身為《法》劇監製的他，日前竟在微博倒米！他表示拍畢宣傳片後，導演叫他小心出街被人認出，他說：「其實我未擔心過，因為根本就冇人會睇亞視。」
