16/07/2010

播放本新聞相關短片

Baby儲夠彈藥進駐千呎豪宅

本文重點
日前傳出o靚模Angelababy打低日本女星安室奈美惠成為美髮廣告新寵,加上Baby於中港日密密接Job又出寫真,難怪她昨日現身時自爆已儲夠錢買樓,隨時做千呎豪宅女主人!

極速竄紅中港日的Angelababy,成為客戶的搶手貨,密密搵真銀的她,已儲了第一桶金準備買樓!昨日,Baby夥拍周柏豪以大中華區代言人身份出席adidas NEO LABEL新店開幕活動時自爆,只是這次的代言酬勞已夠畀首期買細屋,屋企人亦已開始睇樓。談到夢想屋,Baby愈講愈豪:「想要過千呎嘅,依家已經儲夠錢買,心水係九龍區。」不過Baby也相當謹慎,認為現在的樓價很高,今年內暫不置業。

整容前諗清楚

活動上,Baby與周柏豪有講有笑,對於早前有內地女子參照Baby的樣子整容,她說:「太抬舉我喇,我又唔係完美比例,要拎都拎李嘉欣嚟參考!」Baby更呼籲大家整容前要諗清楚:「唔會整得一模一樣,亦都唔會似我,而我自己亦冇整過容。」問她可會擔心緋聞男友黃曉明愛上整容版Baby?她表示對自己有信心,再追問她是否因黃曉明喜歡她才會如此有信心?她即顯得不知所措及緊張。

Baby與黃曉明都是微博癡,Baby昨日不忘為寫真集預售宣傳,獲台灣人氣偶像汪東城及Fans表態支持。Baby更透露心迹:「秘密是一種不能和別人分享的回應。」而黃曉明為慶祝Fans人數突破80萬大關,上載了戴紅色口罩的MV造型。

Click選心水港姐,請瀏覽on.cc《香港小姐2010》專輯

名人組