歌手賈曉晨（JJ）樣子甜美，出道以來得到不少粉絲愛戴和支持，她說︰「Fans送咗好多禮物畀我，好開心同埋多謝佢哋，樣樣我都好鍾意。」由於每份禮物都別具意義，她統統擺滿睡房︰「佢哋好有心思，知道我鍾意卡通人物花師奶，送咗好多公仔畀我，最特別係同一款公仔收過三次。」
JJ表示這些生日禮物全是她的至愛，最難忘是生日收到粉絲所送的蛋糕音樂盒，她說︰「個音樂盒上面嘅蛋糕係心形，好靚。」至於Q版拼圖畫像，她表示乃出道兩年時粉絲送︰「呢份禮物有啲估唔到，係我個Q版樣嚟，上面寫嘅字令我好感動，因為我有一班對我不離不棄嘅Fans。」