為隆重其事，昨日容祖兒新歌《破相》的3D MV舉行首播會，對於成為首個香港歌手用3D拍MV，她坦言感到榮幸，並笑言若身材突出，相信MV更精彩！然而有傳祖兒將約滿英皇，今次英皇斥資拍MV是否為留住祖兒？她笑說：「咁都畀你哋聯想到！其實公司一直對我不薄，我有今日嘅嘢都係公司畀我，每次有好嘢都畀我。」

大批Fans到場支持偶像祖兒。

表情多多的祖兒嘟起嘴仔，儼如小朋友！

祖兒強調仍未滿約，未需要想這個問題，問到是否十年死約已滿、只剩五年生約？她說：「唔使傾啦！我嘅約係自動生效，總之我一日唱歌都唔會考慮其他公司，合約對我嚟講只係一張紙。」她表示和英皇是講感情，要講錢的話，公司栽培她不知要給多少錢公司才真！

否認出招踢走泳兒

另外，有指老闆楊受成買四千萬元鑽鏈打動她續約，祖兒笑說：「冇喎！等我問吓先！如果有咁嘅鏈，會叫老闆賣咗條鏈，用啲錢嚟起文化建設仲好！」對於有指續約其中一個要求是踢走泳兒，祖兒表示不會踩低人來抬高自己，會和泳兒傾這件事，怕引起誤會。此外，髮型師Billy早前為祖兒「大變髮」，分別設計了直髮、短曲髮及「冬甩裝」造型，展現其型格一面。