諸葛梓岐（Marie）男友薛嘉麟早前被拍得出海被女攬，雖然事後Marie信任男友，但昨日提到結婚問題時甚為迴避，還聲言不擔心嫁不出，似要給男友示威！Marie與日本人氣歌手安良城紅出席又一城舉行的《Taste Cool.In Here.》美食揭幕活動，她透露平日有為男友下廚，問到男友何時要她做煮飯婆？她即煞有介事地說：「結婚呢啲嘢係講緣分，暫時都係做嘢先，努力拚吓！（等多幾多年？）順其自然，要發生嘅事自然會嚟！（唔驚男友唔娶你？）乜你覺得我會嫁唔出咩？（男友對你有冇承諾？）多謝關心！」
對於男友在遊艇被女攬，Marie淡然地說：「都過咗去，我對佢有信心。（唔畀佢遊船河？）唔會！上次佢都有叫埋我，我有嘢做去唔到啫！（出海多比堅尼女郎？）叫埋我啦！我都想見識吓！」而同場的安良城紅首次來港，大讚香港夜景怡人且食物美味，最愛點心及麻婆豆腐，問到認識哪位香港藝人？她笑言是周潤發。