15/07/2010

播放本新聞相關短片

陳偉霆冇晒表情當Baby透明

本文重點
陳偉霆(William)和Angelababy分手後,前晚首次同場睇騷,兩人雖然前後腳到場,但卻齊齊素顏兼爆瘡,問到有否見到Baby?William淡然地說:「係咩?唔知佢嚟!」

緋聞情侶黃宗澤(Bosco)及胡杏兒、William、Angelababy及崔建邦等,前晚到澳門欣賞美國R&B天王Usher的亞洲巡迴演唱會,場面熱鬧!過氣情侶William及Baby分手後首度同場,兩人更齊齊素顏兼爆瘡,看似無緣卻有緣!

偕師妹楊汀叮率先到場的Baby,戴上大黑超遮掩額頭的暗瘡,她甫到場即驚嚇地說:「唔好影我!」未知是否因與新歡黃曉明兩地相思欠滋潤而爆瘡?約十分鐘後,William與吳浩康(Deep)結伴到場,戴上黑框眼鏡的William木無表情,問到有否見到Baby?他冷淡地說:「係咩?唔知佢嚟!」至於Bosco與杏兒亦前後腳睇騷,但二人異口同聲否認相約前來。而崔建邦則與王宗堯現身,問到有否約會唐詩詠?崔建邦說:「冇呀!淨係拖咗佢嚟!」

型爆冰曲Look代言

此外,William獲美加暢銷啤酒品牌Coors Light邀任港澳代言人,廣告商重錘出擊,邀得香港冰球聯賽總監為他打造冰上曲棍球員型爆造型,穿上閃石Leggings的他潮味十足:「玩冰曲嘅都係猛男,我嘅身形都唔可以輸蝕,所以拍攝之前日日玩健身,務求練到一身流線型肌肉!」至於Baby的寫真集則出現搶購潮,其中一輯出水芙蓉照昨日曝光。

Click選心水港姐,請瀏覽on.cc《香港小姐2010》專輯

音樂組