有巨肺之稱的鄧紫棋（G.E.M.），今日凌晨得悉日前上吊的失明陳姓女歌迷於昨晚8時許不治，她在電話中說：「消息嚟得好突然，會繼續為佢祈禱，希望佢去到另一地方開心。呢件事畀到我好大啟發同使命感，要帶多啲鼓勵同正面訊息畀大家。」她寄語Fans遇上困難也不要放棄：「諗唔通就同朋友、家人去傾，當大個望番轉頭，就會覺得件事係人生中好小事，唔好畀困難阻到自己，一定要跨過佢，唔好放棄，堅持落去！」問到會否出席喪禮，她說：「要睇吓歌迷家屬嘅意願同方唔方便，唔想影響到人哋，如果OK會盡量抽時間去。」接獲噩耗前，她曾在微博留言鼓勵女歌迷，並呼籲網友為她祈禱。
同樣是該女歌迷偶像的Mr.則在電話中說：「聽到好唔開心，呢件係不幸嘅事，令我哋體會更加多。」經常將「珍惜生命」掛在嘴邊的Mr.，強調生命十分可貴：「成日都講生命好重要，要珍惜生命。」他們表示想過到醫院探望，可惜近日忙於與譚詠麟綵排演唱會：「發生事當日有打畀G.E.M.，大家傾過用咩辦法去鼓勵佢，今次件事真係好唔開心！」
