林莉是過氣港姐，但她轉戰o靚模界後即金蟬脫殼，走貴格路線。有「港版林志玲」之稱的她，即使推出處女寫真《Carrie Me》也力Sell高貴形象，難怪連日來寸爆o靚模低俗，揚言不能跟她同日而語。

林莉的內衣照，性感高貴。	寫真力Sell高貴形象的林莉，半裸打造白金咪咪搶客。	林莉大玩人體彩繪，卻令皮膚敏感。

眼見o靚模度寫真橋諗無可諗，連「撕」暴片也放上YouTube宣傳，林莉亦不敢怠慢半裸出擊，大玩人體彩繪，見她只黐上乳貼，上半身一絲不掛，任由彩繪師傅在她每吋肌膚噴上白金顏色，一雙白金咪咪表露無遺，但完全沒有低俗感覺，可謂先贏一仗，她說：「影嗰時影足大半日，因為我對顏料過敏關係，搞到睇咗兩次醫生！」

着內衣通屋走

除半裸上陣外，林莉更情商富貴緋聞男友借出萬呎比華利山別墅拍攝寫真，身穿粉紅色See-through內衣的她，在7呎King Size大床上典床典席，既露事業線又大騷44吋長腿。據知，拍攝當日，工作人員幾乎在大宅迷路，但穿得異常性感的林莉卻通屋走，熟悉屋內每個角落，儼如女主人！

對於獲緋聞男友力撐，林莉說：「唔係，只係公司安排啫！但我好多謝對方！」她不諱言今次拍攝是重遊「舊地」：「我之前都有嚟過呢度，但經理人都成日去啦！我覺得冇乜問題。」問到躺在大床上感覺如何？林莉即害羞地說：「舒服囉！起碼比人體彩繪舒服好多，真係筍Job！」

談到o靚模寫真過分性感，林莉大表贊同：「真係冇眼睇，做模特兒影相搞到好似三級片，性感得嚟要有美感囉！」她又認同Jessica C.「性感要對得住媽咪」的言論：「我贊同o架！因為身體髮膚受諸父母，我做任何事都會考慮父母先！」