15/07/2010

播放本新聞相關短片

Carol寸爆JC穿崩:唔係專業咩?

「警鐘模」Jessica C.(JC)與「浸大E神」楊梓瑤(Carol)因寫真戰開火互片!誓要脫o靚的JC,以超激全裸透視兼疑似露毛走光照搶灘,而愛玩冰的Carol則含唧唧冰「唧」爆JC,更寸爆對方疑似走光:「乜佢唔係專業Model咩?」

人氣「警鐘模」Jessica C.為了跳船脫自抬身價,藐爆o靚模寫真過分性感,誓與她們劃清界線;Carol則反擊指她失憶扮清高,罵戰一觸即發!首次推出寫真集的JC,性感程度令人噴血,除大晒搵食架生「警鐘胸」外,還穿上魚網透視裝上陣,又有出浴照及藝伎Look等,意態撩人,近日更有疑似露毛走光照流出!

「等大家有遐想」

對於「露毛照」曝光,JC的經理人辯稱:「陰影啫!JC做足安全措施,作為模特兒不嬲都有清潔,亦好注重脫毛,敏感部位亦唔例外!(張相出現喺寫真入面?)影咗5千幾張相,有邊啲相喺寫真集入面,我都唔清楚,大家到時留意吓,我只知嗰件泳衣喺寫真集入面有。(JC唔開心?)佢好開朗,亦接受呢個程度,而且根本冇嘢睇,係咪走光等大家有遐想!」

為免「警鐘胸」有任何差池,公司落重本為JC投保千萬元,拍攝期間,她更謝絕男友Sergio埋身,禁慾至拍攝完畢,但她相當識做,拍畢即與男友外遊玩餐飽。由於造型性感爆燈,拍攝期間在場的男工作人員都目不轉睛。

「應該互相尊重」

至於指JC失憶扮清高的Carol,其寫真集《Huge》的含冰照亦引起回響,她更露出「事業線」含唧唧冰,誓要「唧」爆JC,其中一張照片中,她俯身用紙巾執起白色溶冰,惹人遐想!

對於JC的疑似走光照流出,Carol接受本報電話訪問時喪寸對方:「乜佢唔係專業Model咩?乜咁失策呀!仲以為佢好安全添!但我睇過佢其他相,好Sexy,冇乜問題。」談及JC與o靚模劃清界線,Carol句句有骨地說:「大家同期出寫真,點可以有高低之分?應該互相尊重,唔通個活動佢着得好性感,我又話佢Cheap咩!」

另外,Carol昨日身穿背心及短褲接受網上電台訪問,她透露將於本月24日殺入尖沙咀商場舉行簽名會,並事先張揚會性感上陣。對於有o靚模為出位而接免費騷,她說:「我肯我經理人公司都唔制啦!咁辛苦做嘢,唔收錢會好慘!」

Click選心水港姐,請瀏覽on.cc《香港小姐2010》專輯

專案組