歌手郭力行昨日拍攝新歌MV，事先張揚會邀請性感女郎黃榕以赤裸上陣，吸引大班記者到場採訪，不過兩人姍姍來遲，郭力行更遲到半小時，而女主角黃榕可算雷聲大雨點小，只身穿吊帶長裙，黃榕說：「之後會赤裸上半身，身體會特別噴黑，兩點就會用手遮住。（激情動作？）未知，睇到時攝影師點樣安排，我都係第一次演出咁性感，平時都有啲布遮吓，真係好緊張，不過到時候未必會清場，反而多啲人會冇咁尷尬。」而郭力行被工作人員踢爆遲到後，他反斥是工作人員通傳錯誤：「同事Call Time有問題，我尋晚冇瞓過覺，因為自己出第三隻碟，心情好緊張。」