近日忙排演唱會的林峯繼《談情說案》後，新劇《摘星之旅》將推出，去年他沒有電視劇出街，竟奪《十大勁歌金曲頒獎典禮》的「亞太區最受歡迎男歌星」，即惹非議，無綫為免再令「親生仔」得獎受質疑，今年歌影視三管齊下力谷他人氣。

放大圖片	未知祥仔能否憑與鄧萃雯主演的《巾幗2》冧莊視帝寶座。資料圖片

攞獎當鼓勵

其實林峯確被睇高一線，有力與《巾幗梟雄之義海豪情》的黎耀祥及《公主嫁到》的陳豪爭視帝，祥仔去年已稱帝，「冧莊」較難，而陳豪則未及林峯得寵。雖然被視為「準視帝」，但林峯不敢認同，因現階段忙於綵排個唱，不想其他事，問到是否恨稱帝？他表示攞獎是個鼓勵。對於再「冧莊」，祥仔曾說：「冇咁諗過，攞咗一年已經好好，對自己有交代。」他亦承認今年強敵當前。

另外，昨晚林峯與個唱表演嘉賓徐子珊（Kate）綵排辣身舞，阿峯雙手在Kate的胸前游走，凌空掃其嬌軀十分親密，問到可有觸及Kate的胸部？阿峯緊張地說：「冇！我好小心！身體接觸一定有，不過唔會掂到！」有指Kate搭上馬德鐘，她瞪大眼澄清：「呢啲唔使多講！」