十五位候選香港小姐昨日出席活動，張莉莎被指曾出入賭場陪客賭錢，更曾擔任雜誌《Poker King》封面人物，對此，她承認曾當封面女郎，但否認「陪客」，只是模特兒公司安排給他的Escort（禮儀小姐）工作，她說：「我冇陪人賭錢，影到嘅只係跟導師學點樣玩Poker。（怕唔怕影響形象？）做Escort好正常，好多大型活動都喺賭場舉行，不過自己唔賭錢，都係為工作，參選時已經同無綫申報。」而曾表示因向富家子拒愛而遭爆料威脅的湯寶珍，坦言不想再多講，只想專注比賽。

莊思明與候選港男去P

另外，(5)莊思明表示家姐莊思敏的朋友Summer、即港男(8)劉志偉入選雙方曾於生日派對碰頭，問她稍後隨大隊到韶關拍外景時，會否與他「相認」，莊思明說：「唔知佢認唔認得我？（怕唔怕同港男傳緋聞？）自己會小心，不過我同一個人熟就會好熱情，所以都會避忌啲。 」