鍾舒漫（Sherman）、官恩娜（Ella）、謝雪心及HotCha等昨日出席長者活動，以黑色泰山裝現身的Ella表示喜歡跟長者相處，聽聽對方的小故事，她說：「成日都會諗起嫲嫲生前整嘅甜品，真係好好味，所以依家都會盡量抽時間陪婆婆，希望佢晚年過得開開心心，希望我年老都可以兒孫滿堂就好喇！（幾時行動？）未知呀！不過最好就生三胞胎，一次過九個月搞掂晒！」
同場的Sherman跟Square成員Brian為大學生設計師擔任模特兒行天橋，氹得台下的長者非常開心，她說：「今日唔係第一次行Catwalk，不過好似有進步，騷前Nelson（張學潤）指導我點樣行同埋點樣擺甫士，加上拍檔Brian本身係模特兒出身，就更加放心！」