俊男余文樂在微博留言「終於受傷了」，還上載兩張照片，其中一張展示了左手的傷痕，似被煙蒂灼傷，並投訴在36度高溫下開工不知會否熱死，隨即引來836個關注留言，大部分人擔心他的傷口發炎，而樂仔似深得圈中「師奶」的關愛，其中楊千嬅叮囑「志明」要保重，而田蕊妮也留言「心痛死我了」，就連Mary姐韓馬利也留言安慰。
問到是否真的受傷時，余文樂說：「冇事冇事！唔使咁緊張！（畀煙頭灼傷咁多？）係啦，唔知點解！（真傷定假傷？）都痛o架！（好多人關心留言喎？）多謝多謝！我下次唔敢亂咁話自己受傷喇。」原來余文樂並非真受傷，傷勢只是化妝特技，愛心爆棚的粉絲與老友都無一幸免，全部中招。