去年約滿楊紫瓊星城娛樂的譚耀文，自言簽約一年間工作甚少，故約滿後即兼任經理人找工作。對此，星城娛樂發言人Janet說：「佢呢一年嚟不斷咁講，咁耐都冇進步過！佢一心靠經理人公司令佢事業更上一層樓，但又唔肯增值，佢一話要解約，我哋即刻無條件同佢解約！佢成日都想拍吳宇森電影，想做男主角，我哋幫佢接過幾套電影，好似《竊聽風雲》，點知佢喺開拍前三日話唔拍，要我哋出面推電影公司，好唔好意思！星城只不過簽咗佢一年，點解佢咁耐都仲講住呢個話題？希望佢下次訪問講吓未來，向前看！」
至於譚耀文則自辯：「記者問我嗰一年做過乜，我確實冇嘢做，但我冇怪任何人，我哋係開心分手，我亦好尊敬楊紫瓊。（話你冇增值？）呢啲咁激進嘅說法，不願置評。」至於推掉《竊聽風雲》一事，他解釋因角色有激烈情慾戲，身為父親的他不能接受。