大鑼大鼓推出寫真集的o靚模被書展拒諸門外，以周秀娜為首的多位o靚模，為硬闖示威而各出奇謀！陳靜（DaDa）與同門的李莉琳（Liz）及王梓如（Ayu）鐵定於本月21日推出寫真，並於翌日在商場舉行簽名會，放棄書展戰場，DaDa直言不想學其他人硬闖：「我哋唔想同貿發局作對，都有地方簽名，唔使去啦！我諗我哋會尊重貿發局嘅決定。」

自言守規矩的DaDa，無意硬闖書展造勢。

Liz渾身散發女人味，相信在簽名會中將成為宅男目標。

深入鬧巿與Fans近距離接觸，DaDa坦言擔心安全問題，由於早前出席活動時，助手曾聽見有人說：「好大，想摸佢！」令她十分憂心：「擔心o架！簽名會有握手環節，但只限握手，希望大家守規矩，唔好手多多，我已經同公司講咗，希望加多啲保安！」

經常性感示人的DaDa，自爆知道有Fans揚言欲摸。資料圖片	為報答Fans支持，Ayu（左）、Liz與DaDa（前）殺入商場與他們近距離接觸！	DaDa（左）與Liz曾多次出席商場活動，防狼經驗豐富！資料圖片

否認翻撻舊愛

另外，對於被指難忘舊愛王宗堯，DaDa否認有意與對方翻撻，更笑言雙方關係早已昇華：「佢有感情煩惱都會問我，所以一定唔會！依家嘅關係，對我哋大家都舒服。」至於王宗堯亦否認有意復合，問到力捧他的譚詠麟有否教他處理感情事，他說：「冇，阿倫都好忙，下次見到佢，會問吓佢有咩提示。」