十位香港先生參賽者經過「大執」後在健身中心見傳媒，大部分參賽者面色「黑過鑊撈」，以「人工」陽光型男造型示人。他們穿上緊身上衣及運動褲出場，任職健身教練的(4)葉建希名不虛傳，健碩身形在緊身衫襯托下更顯逼爆兼凸點，甚有睇頭；(8)劉志偉亦不執輸「動L」搶鏡！提到「筋肉人」肉照相繼流出，葉建希說：「唔介意！啲相好健康！我強調冇影過攬仔、攬女同裸照。」
而(2)李言功自我介紹時說：「我係李『鹽』功，今年『廿』十七歲。」(6)鄭文康表示對閃光燈敏感，故不停眨眼，問到勝算有多高？他說：「唔高！（輸咩？）眨眼！」至於(5)白健恩「面黑頸白」，他坦承是化妝所致。提到Facebook滿是同性密友，性取向成疑，他說：「唔係男就係女，我都有女仔相但喺電腦入面。（性取向？）梗係女仔！」對於沙灘一字馬相片流出，他說：「拉筋相啫！唔係全裸。」
