世界盃熱潮，隨着西班牙加時射入一球奠定勝局而宣告落幕，內地影星章子怡早前以特奧全球形象大使身份，親身到南非參加《特殊奧運會團結盃》揭幕戰，並在球賽中擔任中鋒，而前日她在內地亮相體育節目，期間出盡渾身解數與主持人大談波經，又應要求赤腳大騷球技。

穿上黑西裝、黑帽配黑白直條裙的子怡，未見戴上鴿子蛋鑽戒，只戴了耳環及一條幼腳鏈，打扮簡約，她赤腳騷球技之餘，還即席試吹世盃打氣必備品Vuvuzela（簡稱Vuvu），玩得不亦樂乎。

杜汶澤一場都冇睇

這邊廂子怡與不少圈中球迷全情投入世盃熱，但亦有藝人如趙薇、杜汶澤及陳法蓉等，齊齊在微博發表「無波」宣言。未知是否忙湊女關係，趙薇留言表示一場球賽也沒看過；杜汶澤亦一樣，他說：「世盃開波嘅時候，我去咗美國靜修兩個星期，返嚟都打咗一半，跟住就為《人間喜劇》宣傳巡戲院，既然都冇睇咁多，咪想試吓自己一場球賽都唔睇，感覺好開心喎！（點解開心？）因為呢幾年都好眼瞓，捱唔到夜，朝早又好早起身，唔捱夜睇波，夠瞓咪開心囉！我晚晚去巡戲院，發覺好多都爆，其中一晚仲係德國對阿根廷，證明有好多人唔睇波。（唔驚同朋友冇話題？）朋友會搵啲睇波嘅人講波經o架啦！」而陳法蓉亦在微博中表示沒看世盃，但笑言睇完微博就如看過世盃一樣。