英皇電影《出水芙蓉》昨晚舉行首映，老闆楊受成率領旗下歌手如泳兒、詩雅和鍾舒漫等撐阿嬌場，而小方父母亦是座上客。阿嬌和小方早前在內地宣傳時，曾承諾會廿指緊扣出現，兩人果然守信，儼如跳茶舞般廿指緊扣，十分溫馨。

英皇歌手傾巢出席首映。

有份演出的周秀娜表示，因男友忙於踢波而未有到場。

撇甩Stephy

他倆稍後到日本宣傳，小方即說：「我一向好受日本女仔歡迎o架！我初戀女友係日本人，佢鍾意我靚仔。」阿嬌即「不屑」小方而玩踢爆：「乜你初戀女友唔係Fing開你隻手嗰個咩？」小方即解釋：「嗰個係我表錯情啫！」但這次打情罵俏的過程，卻洩露了小方曾向阿嬌坦白自己的「過去」，印證兩人有「非一般」的關係。而小方另一緋聞女友鄧麗欣（Stephy）則未有到場，小方說：「今晚主角係我同阿嬌呀！」有份演出的周秀娜也未邀男友捧場，她笑言男友雖忙完睇世界盃，但現在忙於自己踢波。

羽翹(右)大騷香肩，詩雅則露玉臂，可謂平分秋色。

方力申（右）與英皇老闆楊受成握手。

此外，最近有傳內地女孩參照Angelababy的容貌來整容，陳偉霆表示未有聽聞，但很想看那人複製出來的效果，問到想複製誰人的容貌？他說：「講跳舞，我揀Michael Jackson，但複製佢個樣就唔需要，有個咁成功嘅人，唔需要再有第二個，都係做番自己啦！（歌迷複製你個樣？）唔好！我又唔係靚仔！」