久未露面的熊黛林（Lynn）昨日穿掛頸大露背短裙，艷壓全場。忙於拍攝新片《我的野蠻女友2》的她直言，近日專注電影及後期製作等工作，較少在公開場合露面，問到是否谷胸搶鏡？她說：「唔係刻意性感，我覺得呢件幾啱！」擔任評判的她以大師姐身份寄語後輩：「身材好固然重要，氣質、性格同人品都好重要，加埋條路可以行得好遠！」對於有人冒認Baby在網上留言想退出，Lynn力撐師妹，並指冒認事件無奇不有：「佢發展得好好，梗係唔係佢！我都畀人扮我講啲冇可能由我把口講嘅嘢。」提到Baby被禁足書展，她說：「佢本書賣得好好，係高貴嘅性感，邊度搞簽名會都好，知道Baby沒有向當局申辦活動！」
提到緋聞男友郭富城在新片的肥仔造型，Lynn甜笑地說：「幾特別！（如果真人咁肥鍾唔鍾意？）唔好問我，係問佢至啱！（鍾意肥定瘦？）依家咁OK！（支持佢部戲？）得閒會去睇！」
