揚言於下周推出告別寫真集的模鼻祖Baby表示，這是短期發展的最後一本寫真，剛巧Facebook中出現化名Angelababy Yeung的「假Baby」，以大篇幅英文表示發展不及別人，心灰意冷下決意退出娛樂圈，各種告別迹象引起Baby迷極度恐慌，紛紛留言力阻偶像，亦有粉絲認為「假Baby」是偽冒，力挺Baby絕不會引退！

放大圖片	汪圓圓及曾詠穿上短裙仔晒長腿。

呼籲勿信流言

雖然Baby曾在微博表示不會退縮，但仍未能遏止粉絲惶恐心情，昨日她出席海港城舉行的第二屆《海港城STYLE Model Hunt模特兒大賽總決賽》與熊黛林選出接班人時，立即向粉絲大派定心丸：「從來冇諗過退出！我係幾有奮鬥心嘅人！」她表示曾有本地藝人朋友墮網絡陷阱：「如果咁就信我退出，應該驗證吓！有個最近識嘅藝人同我講，話一年前喺MSN Add咗我，成日同我傾偈，之後我同呢個藝人見面，佢有懷疑，先知原來嗰個人唔係我！」她自稱沒有特別的網絡保護方法，但呼籲粉絲提高意識，別誤信虛擬世界的傳言！

愛與靚仔合作

近期Baby經常在微博表示密密健身，對此她說：「唔講得點解要強身健體，總之鍛煉體能，一日學一至兩個鐘，想身體線條靚啲，頭幾日練到攰到似機械人，依家練到有老鼠仔!」問到緋聞男友黃曉明有否提供健身意見，她說：「冇！」問到黃曉明會否心痛？她即搭着經理人Kim的膊頭，表示Kim會安慰她。

對於有傳將與趙又廷及周渝民合演《痞子英雄》電影版，Baby即把嘴巴拉上拉鏈拒絕回應，但承認愛與靚仔合作，並大讚兩人靚仔及希望與他們合作。