昨日《2010香港小姐競選》舉辦《候選佳麗才藝預演活動》，15位佳麗各展所長表演拿手才藝，並廣邀親友打氣撐場，爭奪「現場最受歡迎佳麗」獎項，其中(5)莊思明邀得模特兒家姐莊思敏撐場。

(11)李文煊彈鋼琴，無甚新意。	(5)莊思明表演唱歌，家姐莊思敏撐場。	莊思敏

(3)張藝婷以一身性感舞衣跳ChaCha、(7)何樂翩落力跳至露打底褲、(9)李雪瑩表演體操，連環側手翻加頭頂倒立，贏得全場掌聲，可惜最終敗給(14)李俍嬿純熟的孔雀舞！自幼習中國舞和芭蕾舞的李俍嬿，直言孔雀舞是其拿手好戲：「以前喺溫哥華都有跳過，細個參加過好多比賽，其實我都鍾意(9)嘅表演，佢畀咗好多心機去練，好驚佢整親條頸，扭親會好犀利。」

敗將拉傷大腿

李雪瑩飲恨未能奪得獎項，坦言沒有不開心：「見到咁多人拍手畀到好多信心我。（輸咗好唔抵？）都唔怕嘅！我都好欣賞李俍嬿，佢跳得好靚好優美，(15)張秀文嘅扇舞都跳得好有力。」她表示雖然自幼學體操，但今次排練時都有拉傷右大腿。另外，張天愛表示忙完北京學院的畢業禮後，將於下周返港支持(11)李文煊。